免疫力過高會導身體易誘發過敏症

好多人遇到皮膚敏感可能都會認為自己嘅免疫力低，抵禦唔到外來嘅刺激物，產生過敏反應，另外好多廣告都不斷提醒大家要增強免疫力嘅重要性「要預防疾病，就要增強免疫力」，所以部分人士會選擇進食食維他命C或益生菌等增強自己嘅免疫力。但免疫力太強，對身體都會造成不良嘅影響。

過敏反應

敏感係體內嘅發炎反應。當人體接觸到病菌或致敏原(動物毛髮、花粉)等外來物質時，免疫系統就會產生組織胺及其他化學物質作出抵抗，過程中會造成身體不適，一般症狀包括起紅疹、發癢、紅腫、發熱、呼吸急促等，在接觸後短至幾分鐘或長達至1天後誘發敏感症狀，例如濕疹、蕁麻疹、眼敏感、哮喘、鼻敏感等。

免疫功能太強：身體易誘發過敏

正常嘅免疫功能唔單止可以抵禦外來物質嘅入侵或刺激，仲會偵測同清除體內唔好嘅細胞，如果免疫功能太強，即出現免疫力失衡情況，過度防衛就會產生過敏反應，甚至嚴重情況，免疫系統無法辨別是敵是友，無法發揮保護作用，反過來攻擊自身正常嘅細胞組織，還會造成「自體免疫疾病」。

免疫功能太低：容易感冒、病毒性肝炎

通常係平日營養攝取唔均衡、生活壓力太、睡眠不足令我哋嘅免疫力過低，都係免疫系統功能失衡或者不完善，導致敏物質輕易入侵人體，引發免疫反應。亦可能會出現各種免疫缺陷疾病，免疫系統抵抗感染嘅能力低下，反覆感染或嚴重感染性疾病。

所以要保持免疫平衡，維持免疫系統平衡，盡量避免接觸致敏原，先降低過敏反應出現嘅機會。

「自體免疫疾病」的疾病：

類風濕性關節炎：身體免疫系統過度強大，分泌許多抗體，其中包括類風濕性因子，它會攻擊身體嘅免疫球蛋白IgG形成免疫複合體，而引起發炎。出現局部嘅關節僵硬疼痛，慢慢侵犯全身關節，導致關節腫脹、變形、甚至損壞。

紅斑性狼瘡：以生育年齡嘅女性患者為多，與遺傳基因有關，而罹患紅斑性狼瘡嘅患者容易因為接觸到紫外線而活化免疫系統，引起症狀，包括皮膚黏膜紅腫、起紅疹、口腔黏膜破損、關節炎、腎臟症狀如蛋白尿、容易感冒、感染、淋巴瘤等。

休格林氏症：臨床上亦稱「乾燥症」，以眼睛、嘴巴等黏膜部位乾燥為主要表現，容易引發肺纖維化，症狀與紅斑性狼瘡類似，且好發於女性，因此容易誤診。

所以取得平衡才是最為重要~