您可能不知道的衣服質料小秘密

今日就同大家淺談一下衣服質料對敏感人士有咩影響啦！

衣服嘅質料最主要材料有 : 棉、羊毛、蠶絲、皮革同橡膠纖維等等。無論係天然還是人造衣服嘅原料都有其優點和缺點，所以依家製造商通常以唔同原料既比例來製衣。

原則上，純棉衣物較無彈性，但勝在柔軟涼爽，適合皮膚過敏者穿著。

而蠶絲衣物比較透氣同吸濕度高，可減低細菌或黴菌滋生，容易過敏人士可以多著。

根據統計，高達6成以上嘅名牌衣物都有高濃度嘅安定劑「壬基酚聚氧乙烯醚」，毒性作用係佢好易分解成壬基酚，不但會刺激皮膚，亦會干擾身體嘅內分泌，同幾種癌症誘發有關。 最後，乾洗劑揮發物問題經常被忽略。洗衣店曾經使用嘅「四氯乙烯」，因為生物毒性高，更會殘留喺衣物上面，經常接觸會好危險！不過，取而代之嘅「石化工業乾洗油」，長期接觸都會出現皮膚甩皮過敏、眼紅、胸悶等。

所以大家係洗衣店拎衫返屋企之後最好立即除左個膠袋，放係室外通風嘅地方吹兩三日先好著同收入衣櫃呀！