情人節禮物要識揀 避免送錯禮物

情人節禮物男朋友送不外乎送首飾、鮮花、香水、毛公仔等，但如果女朋友係敏感肌，揀選情人節禮物時就要特別小心！應選擇較不易過敏嘅金屬材質，以免送錯禮。否則，令對方敏感就好尷尬！

首飾類

皮膚對鎳合金嘅首飾材質係最容易出現過敏，好多小營商店、地舖及格仔店都有售鎳合金製嘅小飾品、耳環、頸鏈等。但導致皮膚敏感的成因係鎳合金嘅金屬成分同身體的嘅抗原份子容易產生作用，就會出現皮膚過敏症狀，例如濕疹、皮膚敏感。根據外國醫學文獻對金屬飾品嘅過敏指數分析，由較容易出現敏感情況高至低的嘅依序為鎳、鉻、鈷、銀、銅、白金，而純金係最唔易引起敏感症狀，仲有金屬同寶石類亦唔易導致皮膚過敏。

香水類

大部分嘅香水都係化學合成，裡面成分包含酮、醛、烯、醇等，而香水大部分也都含有酒精成分，即係乙醇，對於容易敏感人士來說，酒精係最容易引起皮膚敏感嘅致敏原。所以購買香水前要注意其酒精濃度，較為淡嘅古龍水其酒精濃度60%至70%。建議可選購無酒精成分嘅香水，或者盡量避免直接噴於皮膚上，可噴於衣服上，減低皮膚過敏嘅機會。購買前亦可到香水櫃位做一個皮膚敏感測試，如果出現紅癢、痛就表示不適合。

毛公仔類

有敏感人士會對塵螨、動物毛屑都容易引起鼻敏感及皮膚敏感，若要選購公仔類當禮物或製成花束，建議唔好選擇毛公仔，可改以塑膠、木頭類嘅玩具。另外，過敏人士對於花粉容易引發敏感症狀，因此，揀選較少花粉嘅花，例如玫瑰、蘭花及繡球花等。

所以，買禮物都要細心啲，如果知道對方容易過敏，就更加小心選擇啊！