成人體質差就會出現敏感？

雖然大部分人嘅過敏症狀係由細個已經出現，但亦有部分人係成年之後先發現或者到左某個歲數先被醫生告知有過敏體質。

常見嘅成人過敏症狀例如鼻敏感、對特殊氣味敏感、容易流鼻水、打乞嚏、鼻塞及夜咳等症狀；皮膚敏感則容易痕癢、紅腫、出現濕疹、風癩等。我地應該要定時檢視自己嘅飲食與生活習慣，將有機會引起敏感既習慣戒掉。

1)日常飲食中，菜肉比例

現代人普遍食肉較多，忽略蔬菜嘅重要性，而進食過多肉類會令身體產生壞黏液，對身體有害而無益。如果進食太多肉類，肉食會因為停留喺腸道時間太長而容易產生宿便，導致毒素累積。

2) 違反自然法則的食物

以奶同蛋為例，因為人類對呢兩種食物有需求，所以只好用違反自然法則嘅方式，設法令佢地產出大量牛奶同雞蛋。以乳牛為例，先透過人工篩選，培育出奶量大、泌乳期長嘅乳牛，然後以人工授精提高佢地受孕同生小牛嘅次數，以人為因素同作法去延長佢地嘅泌乳期，去獲取大量牛奶作為商品。

3) 過多甜食和加工糖

現代人食過多甜食，攝入過多糖份，呢Ｄ糖食左落肚之後會拉高血糖同胰島素，影響大腦判別，誤以為係養分於是就轉換成脂肪儲存起來。忽高忽低、唔穩定嘅血糖容易影響免疫系統嘅調節作用，而誘發敏感。

4) 缺乏運動

運動可以消耗多餘熱量，仲可以促進排汗，但現代人全身活動量過低，久坐不動，會令循環不順暢，而運動量不足，亦無法通過大量排汗去排出身體毒素。 大家要記得時刻留意自己的身體狀況同日常生活同飲食習慣，預防敏感出現。