新裝修一入住就成身痕!原來係致敏原作怪!

新裝修完屋企就即刻急不及待想入住?千其唔好!

有敏感嘅人好多時進入新裝修完屋企就會開始左抓右抓，十分痕癢，原因係好多時裝修完嘅新傢俬，新塗嘅牆壁都含有大量嘅致敏原!

其中一個最常出現嘅致敏原就係甲醛同塵蟎。

甲醛
好多時新裝修完屋企都會有陣「裝修味」，通常就係由甲醛引起的。甲醛無任何顏色但會有強烈嘅味道，濃度過高仲有機會會甲醛中毒。甲醛通常會係裝修材料同家居用品中傳出，如：地板、油漆、木製品、膠水等等。長期接觸甲醛不但會造成呼吸道疾病，患癌嘅風險更會大大提升。

對於有敏感嘅人黎講，接觸甲醛好容易皮膚敏感或眼敏感。

甲醛嘅釋出量會隨住時間嘅增加而減少，所以好多人新居入伙前都會打開門窗多月，等室內嘅甲醛可以散去，入住時減少吸入甲醛，避免影響健康。若鼻敏感、濕疹等問題嚴重，可以使用可阻隔甲醛嘅空氣清新機或使用可分解甲醛嘅除致敏原噴劑。

塵蟎
當裝修新居時，會將積塵揚起，當中嘅塵蟎嘅屍體和糞就會一同揚到四處，令人容易敏感！

入住前無好好打掃走裝修時帶來的積塵，塵蟎便會在新環境下快速繁殖!

由於塵蟎過於細小，肉眼係睇唔到嘅，佢地最鐘意生活係布藝產品同床上，所以裝修新居時傢俱應盡量避免選用布藝產品，例如布藝沙發，窗簾等。裝修後要指細清潔和清洗走家中積塵，亦可噴灑致敏原中和劑，中和家中致敏原，減少敏感機會!

新居入伙最緊要住得開心又放心，如果有鼻感敏或者係皮膚敏感既朋友，唔想因為新居入伙而出現敏感的話，就要好好注意控制同減少屋企嘅致敏原呀!