轉季啦！衣物擺太耐，唔好直接著！

最近天氣轉涼，唔少人都開始轉季，係時候要係床下底或衣櫃底摷返啲冬天衫出黎。但係放咗係衣櫃咁耐嘅衫可以直接著嗎？定係要洗咗先著得？小編相信好多人都唔會考慮哩個問題，都會照著又或者佢哋有個錯誤觀念係衣服封箱前我已經將衣物洗過一次，當再解封時衣物依然係乾淨，所以選擇唔洗。

點解一換季啲衫要清洗一次再著呢？

自身因素

就算洗乾淨嘅衣物或多或少都會殘留人體分泌出來嘅蛋白質，細菌分解後會產生異味，所以要將太耐未著過嘅衣物清洗一次，再曬一曬殺菌。

化學因素

好多人衣櫃裡都會擺放一啲防霉防蟲嘅樟腦丸，即臭丸，而臭丸含有二氯苯，是一種低毒物質，味道刺鼻，對於孕婦和嬰幼兒的健康會產生極大的影響。因此要徹底清洗衣物上臭丸嘅氣味。

蟲害因素

放置咗太耐嘅衣物唔著嘅話，可能已經滋生了很多細菌，仲會黏附一啲死咗蟎蟲屍體、蟑螂排泄物和脫落嘅表皮、灰塵等致敏源，唔少人對塵蟎有過敏反應，如果直接穿著有可能會令皮膚過敏，包括痕癢，紅腫。