用加濕器前，必需看看!
加濕器可能令濕疹/鼻敏感惡化
天氣突然變得很乾燥，要準備拎返個加濕器幫手？
但原來用加濕器唔止放水入去用咁簡單，仲有好多其他注意事項你一定要知！
-
1. 定時清洗
加濕器中長期都儲蓄水，而水係會好容易滋生細菌，所以建議每三日記得拆開加濕器清洗入面容易藏細菌嘅地方，如果唔係嘅話入面嘅微生物同細菌就會同濕氣一齊被我地吸入體內，增加呼吸道感染同敏感風險。
-
2. 水源選擇
自來水的硬度較高，含有礦物質、更多細菌同微生物，加到加濕器入面會容易損害內部，同時釋出的礦物質顆粒可能刺激呼吸道。所以最好用蒸餾水，減少到人體同加濕器嘅傷害。
-
3. 控制使用時間
室內嘅濕度唔可以太濕或太乾，最好控制係50-60%濕度。所以如果長時間開啟加濕器會有機會令室內濕度過高，容易滋生霉菌，誘發鼻敏感同濕疹。建議最好開啟一段時間就關閉，並使用濕度計監測，避免出現呼吸困難嘅情況發生。
敏感人士額外注意事項
1. 濕疹患者：避免將加濕器直接對住皮膚吹，以免加重濕疹症狀；
2. 鼻敏感人士：定期更換過濾網，使用具備抗菌功能的加濕器；
3. 清潔要領：清洗時可用白醋或專用清潔劑，彻底清除水垢和細菌；
4. 放置位置：遠離床鋪和沙發等傢俱，避免潮濕引起霉菌生長。
加濕器雖然係唔少人秋冬季节的恩物，能夠有效緩解乾燥帶來的不適，但必須注意正確使用方法。尤其對於濕疹和鼻敏感患者，錯誤使用反而會加重症狀。透過定時清洗、選擇合適水源和控制使用時間，才能安全享受加濕器帶來的舒適。
